Најчестото прашање што го добиваме е „колку често?“. Точниот одговор зависи повеќе од условите во кои возиш отколку од изминатите километри. Илјада километри по асфалт во суво време оптоваруваат помалку од двесте километри по кал и вода.
Знаци што не треба да се игнорираат
- Ланецот прескокнува под притисок при качување — обично истрошен ланец или касета.
- Рачката на кочницата оди преблизу до воланот пред да зафати — воздух или влага во системот.
- Крцкање што се менува со ритамот на педалирање — средно лежиште или педали, не ланецот.
- Тркалото се тресе или тепа на рамен асфалт — искривено тркало или разлабавени жици.
- Вилушката остава маслен прстен на цевките или пропаѓа побрзо од претходно — заптивки.
Разумен ритам
За возење неколку пати неделно: основен сервис на почетокот на сезоната и комплетен сервис еднаш годишно. Ако возиш планински велосипед по кал и често го переш со притисок, лежиштата бараат внимание и по шест месеци — водата влезена во лежиште е причина број еден за скапи поправки.
Ланецот е потрошен дел, не дел од сервисот. Мери го со мерач за истегнување и менувај го кога ќе стигне 0,5% — така касетата и предните запци траат многу подолго.